«Қызылжар су» ЖШС Петропавл тұрғындарын судың сөнуіне қатысты жалған ақпаратқа сенбеуге шақырады.
April 10, 2024 18:37
«Қызылжар су» ЖШС әлеуметтік желілер мен мессенджерлерде суды тоқтату туралы тараған ақпарат жалған екенін хабарлайды. Ауыз суды жеткізуде шектеу болмайды, деп хабарлайды QZ Mediа тілшісі.
⠀
2017 жылы бірінші көтерілетін сорғы станциясында бөгет салынды. Бүгінгі таңда бөгетті нығайту және құрылымның биіктігін арттыру бойынша қосымша жұмыстар жүргізілді.
⠀
Су тазарту қондырғылары көрсетілетін қызметтерге шектеусіз қалыпты режимде жұмысын жалғастыруда. Қаланың сумен жабдықтау желілерінде төтенше жағдайлар анықталған жоқ. Су тасқыны кезінде өңірдегі ауыз судың сапасын қадағалау жұмыстары күшейтілді.