Еріктілер жас петропавлдықтарға жаңа жылдық ертегі ұйымдастырды

“Помощь рядом” қоры мен қалалық жастар ресурстық орталығы аязды ауа-райына қарамастан, балалар үйіндегі балаларды қуантып, оларға жаңа жылдық ертегі сыйлады, деп хабарлайды QZ Мedia тілшісі.

Жаңа жыл – бұл барлық баланың қиял-ғажайыпқа толы және сүйікті мерекесі. Балалар оны ғажайып пен сиқырға сеніп, ұзақ уақыт күтеді. Осыны ескерген еріктілер балаларға жаңа жылдық қойылым дайындады. Бағдарламада би, әндер, кейіпкерлермен ойындар болды, балалар өлең оқып, ән айтты.

“Біз қойылымның басынан кейіпкерлердің рөліне еніп, балаларды ертегінің сиқырлы әлеміне апардық. Балалар шытырман оқиғалы мерекелік атмосфераға енді, қызықты байқауларға қатыса алды. Қысқасын айтқанда, Балалар үйі ерекше ертегі атмосферасына толы болды”, – деп атап өтті еріктілер.

Жаны жайсаң петропавлдықтар мұнымен шектеліп қалмады. Шаһарда аз қамтылған отбасылардан шыққан балаларға жаңа жылдық сыйлықтар дайындалды. Олар балаларға табыстау үшін “Помощь рядом” қорының еріктілеріне табысталды.