Петропавлда 79 жастағы қала тұрғынын жаяу жүргіншілер өткелінде көлік қағып кетті

22 қаңтар күні 16:30 шамасында облыс орталығында Кәрім Сүтішев көшесіндегі жаяу жүргіншілер өткелінде Toyota Land Cruiser автокөлігінің 52 жастағы жүргізушісі 79 жастағы жаяу жүргіншіні қағып кетті. Бұл туралы СҚО ПД өкілі мәлімдеді, деп хабарлайды QZ Мedia тілшісі.

Жол-көлік оқиғасы салдарынан әйел түрлі дәрежеде жарақат алды. Ол медициналық мекемеге жатқызылды.

“Toyota Land Cruiser көлігінің жүргізушісі медициналық куәландыруға жіберілді. ЖКО фактісі бойынша процессуалдық шешім қабылдау үшін материал жиналады”, – делінген полиция хабарламасында