Петропавлда тағы бір жылу желісі жарылды

Түске таман Петропавлда тағы бір жылу желісі жарылды. Бұл жолы Мұқанов көшесінде апат болды, деп хабарлайды QZ Мedia тілшісі.

Көп ұзамай “Петропавл Жылу Желілері” ЖШС жер астында орналасқан жылу желісі учаскесінің зақымдануын анықтады.

“Жөндеу кезінде жылумен жабдықтауды шектеу С.Мұқанов көшесі, 51, 51а, 51г және Жұмабаев көшесі, 91 мекенжайы бойынша орналасқан 4 заңды тұлғаның нысанында байқалатын болады. Болжам бойынша, жұмыс 20:00-ге дейін созылады. Қазіргі жағдайға түсіністікпен қарауды сұраймыз”, – деп хабарлайды”Севказэнерго” АҚ.