СҚО ТЖД мамандары Бостандық ауылының маңында 8 адамды қар құрсауынан құтқарды

12 ақпанда 05:27-де 112 нөміріне Бостандық ауылының маңында “Лада Гранта” және “Лада Веста” көліктері 8 жолаушымен қар құрсауында қалғаны туралы ақпарат келіп түсті. Жолаушылардың үшеуі – үш, сегіз және он жастағы бала, деп хабарлайды QZ Media тілшісі.

Оқиға орнына өрт сөндіру бөлімінің “ТРЭКОЛ” көлігі шығып, зардап шеккендерді Бостандық ауылында тұратын туыстарына жеткізді. Жолаушылар құтқарушыларға жылдам жұмыстары үшін алғыс айтты. Олардың ешқайсысына медициналық көмек қажет болмады.

“СҚО ТЖД ауа-райының нашарлауы кезеңінде автокөлікпен жолға шықпауды сұрайды. Құтқару қызметінің ұсыныстарын орындаңыз, сонда қиындық сізді айналып өтеді! Есіңізде болсын – әр өмір біз үшін маңызды!”,- деп түйіндеді СҚО ТЖД.