“Ұлы ата-бабамыздың өсиеттерін еске аламыз және құрметтейміз”: Петропавлда облыстық викторина өтті

Облыстық балалар мен жасөспірімдер шығармашылық орталығында Кеңес әскерлерінің Ауғанстаннан шығарылғанына 35 жыл толуына орай “Ұлы ата-бабамыздың өсиеттерін еске аламыз және құрметтейміз” атты викторина өтті, деп хабарлайды QZ Мedia тілшісі.

“Викторина үш блоктан тұрады. Бұл – Қазақстан тарихы, Ұлы Отан соғысы, АӘД пәні және әскери іс. Әр команда барлығы 15 сұраққа жауап береді. Іс-шараның мақсаты азаматтық ұстанымды қалыптастыру, жастардың бойында патриоттық сезімді дамыту болып табылады”,- деді облыстық дене шынықтыру, спорт және АӘД оқу-әдістемелік орталығының директоры Қанат Сәдуақас.

Облыстық викторинаға Петропавл мектептері мен колледждерінен, сондай-ақ Шал ақын, Аққайың және Мамлют аудандарының оқу орындарынан 8 команда қатысты. Үздік командалардың ойыншылары марапаттарға ие болды.

“Викторинаға қатысуға келгеніме қуаныштымын. Мен тарихты оқығанды жақсы көремін”, – деді №1 Смирнов орта мектебінің оқушысы Томирис Божатова.