СҚО-да сотталғандар арасында “Қысқы шабыт-2024” облыстық байқау-конкурсы өтті

СҚО бойынша ҚАЖ департаментінде “Қысқы шабыт-2024” атты сотталғандар арасында суреттер, қабырға газеттері, қар фигуралары мен авторлық шығармалар байқауы өтті. Облыстық шара бейінді департаментке қарасты мекемеде ұйымдастырылды, деп хабарлайды QZ Media тілшісі.

Шараның қорытындысы бойынша №50 мекеме бірінші орын иеленді. Екінші сатыда -№52 мекеме. Ал үшінші орынға №48 мекеме жайғасты.

“Облыстық конкурсқа қатысу сотталғандарға мекемеден тыс жерде өзін, өз әлеуеті мен мүмкіндіктерін көрсетуге, салауатты бәсекелестікті сезінуге, дағдыларды дамытуды жалғастыруға, өзін-өзі тәрбиелеумен айналысуға мүмкіндік береді. Ал әкімшілікке бұл сотталғандар арасынан дарынды суретшілерді, ақындарды, мүсіншілерді анықтауға көмектеседі. Конкурстың мақсаты сотталғандарды түзету, заң талаптарын сақтауға, еңбекке, қоғамдық пайдалы қызметпен айналысуға, білім алуды, мәдени деңгейді арттыруға, таланттар мен дағдыларды дамытуға ұмтылысты қалыптастыру болып табылады”,- делінген СҚО бойынша ҚАЖД хабарламасында.