Петропавлда “21 ғасыр көшбасшысы” зияткерлік ойыны өтті

“Кедергісіз келешек” партиялық жобасы аясында “AMANAT” партиясының белсенділері Қозыбаев университеті және “Ардос-Жүрек” мүгедектер бірлестігінің өкілдерімен бірге “21 ғасыр көшбасшысы” интеллектуалды викторинасын өткізді, деп хабарлайды QZ Мedia тілшісі.

“Студенттердің белсендірек болғанын, түрлі іс-шараларға қатысқанын, өздерінің ішкі әлеуетін дамытып, шын мәнінде жарқын және толыққанды өмір сүруге болатынын көрсеткенін қалаймын”,- деді “Ардос-жүрек” мүгедектер бірлестігі” ЗТБ директоры Ақжан Кәрім.

Ойын үш турдан тұрды. Оған колледж студенттері қатысты. Динара Тайманова – Мағжан Жұмабаев атындағы Жоғары колледж студенті. Ол – болашақ орыс тілі мен әдебиеті пәнінің мұғалімі. Мұндай викториналарға жыл сайын қатысады. Бойжеткеннің айтуынша, бұл жан-жақты дамуға көмектеседі.

“Биыл мен бізге шешендік өнерді үйрететін көшбасшыларды біріктірген интеллектуалды ойынға қатыстым. Мен бұл іс-шараға қатысқаныма өте қуаныштымын, өйткені бұл бізді дамытады”, – деді Динара Тайманова.

Ойынның жеңімпаздары мен қатысушылары дипломдармен және бағалы сыйлықтармен марапатталды. Мұндай викторина жыл сайын өткізілмек.