СҚО-да жабайы жануарларды қоректендіру ісі жалғасуда

Солтүстік Қазақстанның фаунасы алуан түрлі. Біздің аймақты еліктер, қабандар, бұландар, қояндар, кекіліктер және тағы да басқалар мекен етеді. Олар үшін 130 оттық, 200-ге жуық қоректендіру алаңы және тағы сонша тұз қою орны дайындалған, деп хабарлайды QZ Мedia тілшісі.

Облыстық аңшылар мен балықшылар қоғамына 2 млн гектардан астам аумақ бекітілген. Оның 89 мыңы – Қызылжар ауданында. Жабайы жануарларды тамақтандыру үшін қорықшылар жемшөп сыпырғыштарын, астық қалдықтарын, шөп пен тұз әзірлеген.

“Біз екі-үш күн сайын қоректендіреміз, шөп, сыпырғыш, тұз қалдықтарын арнайы орындарға жеткіземіз. Оттықтар бос тұрмайды, сонымен қатар бізге қарда жүретін көліктерге иелік ететін адамдар жиі көмектеседі”, – деді Бескөл аңшылық шаруашылығының аға қорықшысы Юрий Побережникн.

“2023 жылы жануарларды азықтандыру үшін қысқы кезеңге шамамен 170 тонна шөп, 140 мың жемдік сыпырғыш, 60 тоннаға жуық астық қалдығы, 800 кг-ға жуық тұз дайындалды. Бұның барлығы қыста жабайы жануарларды қоректендіруге арналған. Біз қоректі жануарлар жиі жиналатын жерлерге қоямыз”, – деді облыстық аңшылар мен балықшылар қоғамының маманы Максим Ушаков. 

Солтүстік Қазақстан облысында 40-қа жуық аңшылық шаруашылық бар, олардың 11-і жергілікті аңшылар мен балықшылар қоғамына бекітілген .