8 наурыз: Петропавлдағы әйелдер колониясында мерекелік концерт өтті

Халықаралық әйелдер күні қарсаңында СҚО бойынша ҚАЖ Департаментінің №50 мекемесінде сотталған әйелдер ұйымдастырған мерекелік концерт өтті, деп хабарлайды QZ Media тілшісі.

Шарада мекеме бастығының орынбасары әділет майоры Қайрат Айсақов құттықтау сөз сөйлеп, әйелдерге зор денсаулық, бақыт және амандық тіледі.

Іс-шара 14 түрлі нөмірден тұрып, оған 70-ке жуық сотталған қатысты. Концерт барысында сотталғандар әндер орындап, аналарға арналған өлеңдер оқыды, би нөмірлерін көрсетті және байқауларға қатысты. Іс-шараға дайындық екі аптадан сәл астам уақытты алды, сотталғандар өз қолдарымен декорация жасап, сахнаны безендірді және костюмдер жасады.

“Біздің мекемедегі бүгінгі концерт 8 наурызды мерекелеуге арнап өткізілуде. Іс-шараға көп дайындалдық, қыздарды қуантып, мерекелік көңіл-күй сыйлағымыз келді. Мүмкіндікті пайдалана отырып, барлық әйелдерді осындай керемет көктем мерекесімен құттықтап, бар жақсылықты тілеймін”,- деп бөлісті қатысушы сотталғандардың бірі.

Бүгінгі таңда Петропавл әйелдер колониясында 300-ге жуық сотталған әйел жазасын өтеп жатыр.