Қалалық ЖРО белсенділері ерікті қыздардың еңбегін атап өтті
8 Наурыз қарсаңында қалалық жастар ресурстық орталығының белсенділері салтанатты шара өткізді. Олар 25 ерікті қызды құттықтады, деп хабарлайды QZ Мedia тілшісі.
“Біз жастар ресурстық орталығының базасында ерікті-қыздарды, белсенділерді мерекеге орай жинадық. Бүгін игілік жолында жұмыс істейтін, көпбалалы және аз қамтылған отбасыларға, өмірлік қиын жағдайға тап болғандарға көмек көрсететін жастарды марапаттауды ұйғардық”, – деді Петропавл жастар ресурстық орталығының басшысы Дамир Әбдин.
Халықаралық әйелдер күніне орай қыздарға сыйлықтар, гүлдер, алғыс хаттар табысталды.