8 Наурыз – Халықаралық әйелдер күнінде СҚО-да жеті қыз дүниеге келді

Солтүстік Қазақстан облысының перинаталдық орталығында 8 Наурыз – Халықаралық әйелдер күні 15 сәби дүниеге келді, деп хабарлайды QZ Мedia тілшісі.

Орталық қызметкерлері атап өткендей, мерекелік ауысымда акушерлер 7 қыз бен 8 ұлдың өмірге келуіне септесті.

“Аналар мен сәбилер өздерін жақсы сезінеді, көбісі үйлеріне дайындалуда”, – деп атап өтті орталық өкілдері.

Естеріңізге сала кетейік, мереке қарсаңында облыстық перинаталдық орталықта Дондог Данияш отбасында жетінші бала дүниеге келді. Көп балалы ананы өңір басшысы Ғауез Нұрмұхамбетов пен аурухана әкімшілігі құттықтады.