СҚО-да жеңіл көлік еліктің кесірінен жол шетіне шығып кетті

Түнгі уақытта жабайы жануар кенеттен Есіл – Петропавл жолының 44-шақырымында Нива автокөлігінің алдынан шыға келген. Елік зардап шеккен жоқ, бірақ рөлде отырған Ресей азаматы көлікті басқара алмай қалған, деп хабарлайды QZ Media тілшісі.

Жүргізуші мен екі жолаушы отырған көлік жол жиегіне шығып кетті. Ресей азаматы “102” арнасына жүгінді. Оқиға орнына Қызылжар ауданының учаскелік инспекторы Азамат Қадыров барды. Ол ауыр техниканың келуіне келісіп қойды, жол қауіпсіздігін қамтамасыз ете отырып, азаматтардың қар тұтқынынан шығарылғанға дейін оқиға орнында болды. Наурыз айынан бастап полиция қызметкерлерінің көмегі қала маңындағы Қызылжар ауданының аумағында қиын жағдайға тап болған жүргізушілерге бірнеше рет қажет болды.

“Патрульдік полиция батальоны қызметкерлерінен басқа, азаматтарға учаскелік инспекторлар Азамат Қадыров пен Қайыртай Нұрғалиев, әкімшілік полиция қызметкері Әділбек Еркенов көмек көрсетті. Көктем мезгілінің басынан бастап аудан аумағында ауыр жүк көліктері жол жиегіне үш рет құлап түсті. Сондай-ақ Көкшетау қаласынан келген жүргізушіге Duster автокөлігімен, Subaru және Volkswagen көліктеріндегі ресейліктерге көмек қажет болды. Мұндай фактілердің бір бөлігі мұздан, бір бөлігі жүргізушілердің жіті назар аудармауынан болды”, – дейді Қызылжар ауданы ПБ бастығының бірінші орынбасары Рустам Садулов.

Полицейлер қыстың соңында мұздың пайда болу ықтималдығы артып келе жатқанын есте сақтауды сұрайды, әсіресе жылдамдық режимін қатаң сақтау керек. Сондай-ақ жолда жабайы жануарлардың пайда болу мүмкіндігі туралы есте ұстаған жөн, әсіресе қалың бұталар жолға жақын жерлерде және ауыл шаруашылық жануарлары елді мекендердің айналасында көп кездеседі.