СҚО әкімі қалалық көпқабатты үй тұрғындарын Наурызнаманың бір күнімен құттықтады

Мәдениет және ұлттық дәстүрлер күні Жамбыл, 80 мекенжайы бойынша орналасқан үйдің ауласында атап өтілді, деп хабарлайды QZ Мedia тілшісі.

“Біз мереке жайлы алдын-ала хабарладық, сондықтан бұл аулаға қаланың басқа үйлерінен тұрғындар келді. Барлығының көңіл-күйі көтеріңкі. Балалар ұлттық ойындар ойнауы үшін интерактивті алаң дайындалды”,- деді Urpaq қазақ мәдени-ағарту орталығының белсендісі.

Үй тұрғындары мерекелік тағамдар дайындады. Мереке қонақтары бір-бірін құттықтап, тілектермен алмасты.

“Біздің үйдің тұрғындары өте тату, Наурызда әрдайым көңіл көтереміз. Менің отбасым бауырсақ пен тәтті пирогтар дайындады”, – деді Қымбат Қадырова.

Облыс әкімі Ғауез Нұрмұхамбетов мерекеге қатысушылар мен қонақтарды Наурызнаманың бір күнімен құттықтады.

“Көктемнің осы тамаша мерекесінде сіздерге денсаулық, бақыт, амандық тілеймін. Сіздердің үйлеріңізде бейбітшілік пен келісім орнасын”,- деді аймақ басшысы құттықтау сөзінде.

Шара барысында СҚО әкімі ПИК төрағасына үйге қызмет көрсетуге арналған электр құралдарын сыйлады.