Петропавлда “Мұра” ұлттық мәдениет пен халық шығармашылығы фестивалі өтеді
29 сәуір күні Петропавлда Қазақстан халқының бірлігі күнін мерекелеу қарсаңында “Мұра” атты ұлттық мәдениет пен халық шығармашылығының ауқымды фестивалі өтеді, деп хабарлайды QZ Мedia тілшісі. Шара Жастар сарайында ұйымдастырылмақ.
Ұйымдастырушылар атап өткендей, “Мұра” фестивалінде ұлттық мәдениеттің, әдет-ғұрыптың, салт-дәстүрдің жарқын гүлденуі ұсынылады.
Бағдарламада сәндік-қолданбалы өнер бұйымдарының жәрмеңкесі, ұлттық костюмдер көрмесі, дәстүрлер мен әдет-ғұрыптардың калейдоскопы, сондай-ақ вокалдық, театрлық, хореографиялық ұжымдар мен жеке орындаушылардың қатысуымен концерт жоспарланған.