СҚО-да тасқынға байланысты ҰБТ тапсыру уақыты өзгерді

Ағымдағы жылы СҚО-да жазғы ҰБТ су тасқыны жағдайына байланысты кеш басталады, деп хабарлайды QZ Мedia тілшісі.

ҰБТ-ға қатысу үшін өтініштер қабылдау науқаны 6 мамырда басталып, 20 мамырға дейін созылды. Біздің облыс үшін өтініштерді қабылдау мерзімі 6 күнге ұзартылды. Басқа аймақтарда маңызды іс 14 мамырда аяқталды.

“Біздің облыс үшін тестілеу жеке кесте бойынша жүргізіледі. Егер еліміз бойынша сынақ 16 мамыр мен 5 шілде аралығында болса, біздің түлектер үшін ҰБТ 25 мамыр мен 12 шілде аралығында өтеді”, – деді СҚО білім басқармасы басшысының м.а. Татьяна Протопопова.

Биылғы ҰБТ-ның ерекшелігі бар. Түлек жазғы ҰБТ-да төмен ұпай алған жағдайда, қаңтар немесе наурыз айларындағы ҰБТ-ның ең жоғары нәтижесі ескеріледі.

Облыста екі тестілеу пункті бар: Петропавл қаласындағы облыстық балалар мен жасөспірімдер шығармашылығы орталығы, Ғ. Мүсірепов атындағы ауданның Новоишимское ауылы. Тестілеу өткізілетін орындарда медицина қызметкерлерінің, психологтардың, құқық қорғау органдары өкілдерінің кезекшілігі ұйымдастырылады. Қоғамдық тәртіпті сақтау қамтамасыз етіледі.