Қозыбаев университетінің студенттері Германиядағы экофермаларда тәжірибеден өте алады

LOGO неміс компаниясының басшысы  e.v. Хартвиг ​​Меннен Қозыбаев университетінің агротехнология факультетінде болып, шетелдік тәжірибеге қызығушылық танытқан студенттерді Германияда тағылымдамадан өту бағдарламасына қатысуға шақырды. Кездесу барысында ол оның негізгі артықшылықтарын егжей-тегжейлі таныстырды, деп хабарлайды QZ News тілшісі.

«Бағдарлама экологиялық фермаларда жұмыс істеудің халықаралық тәжірибесін алуға, шет тілін меңгеруге, мәдениетаралық қарым-қатынас дағдыларын дамытуға, Германияның мәдениеті мен дәстүрлерімен танысуға бірегей мүмкіндік береді. Тағылымдамадан өтушілер жұмыс күнделіктерін жүргізеді, жұмыс нәтижелері бойынша есептерінқорғайды және неміс кураторларынан ұсыныс хаттар алады», – дейді неміс компаниясының басшысы LOGO e.v. Хартвиг ​​Меннен.

Кездесуде өндірістік тәжірибеден өткен студенттер өз тәжірибелерімен бөлісті. Ерсайын Алдияр органикалық шаруашылықтардағы тағылымдамасы оның органикалық егіншілік туралы білімін тереңдетуге, климатты қорғау тәжірибесі мен регенеративті энергияны үйренуге және кәсіпкерлік ойлау қабілетін дамытуға қалай көмектескені туралы бөлісті.