Петропавлда жаңа шығармашылық маусым басталды

Күзде еліміздің барлық театрларында жаңа театр маусымы басталады. QZ Media тілшісі қыркүйек айына жоспарланған қойылымдар туралы мәлімет ұсынады.

16 қыркүйекте облыстық қуыршақ театрының әртістері кішкентай қонақтарын күтеді. 12:00-де «Тоқта! Қауіп» қойылымы сахналанады. Онда балалардың негізгі қауіпсіздік ережелерін сақтау қажеттілігі туралы айтылады. Шығарма 17 қыркүйекте сол уақытта қайта көрсетіледі. 23 қыркүйекте жас көрермендер мен олардың ата-аналары «Гусенок» спектаклін тамашалай алады. 24 қыркүйекте «Удивительная история Огогоха» қойылымы жоспарлануда. Ал 30 қыркүйек күні – «Папа, мой милый папа» шығармасы көрерменге жол тартады. Барлық қойылымдар сағат 12:00-ге жоспарланған.

Сондай-ақ, 22 қыркүйекте облыстық филармония өзінің концерттік маусымын ашады. Бұл күні алғашқы үлкен концерт жоспарланған. 27 қыркүйек сағат 18:30-да Игібай Әлібаевтың 120 жылдығына арналған концерт өтеді. 29 қыркүйек сағат 18:00 және 20:00 «Игра» неондық лазер шоуы өтпек. Ал 30 қыркүйек күні сағат 18:00-де солтүстікқазақстандықтар “Теплый поцелуй осени” концертін тамашалайды.