2025 жылдың тамызында қазақстандықтар қалай демалады
Жаздың соңғы айында қазақстандықтар Конституция күніне орай қосымша бір күн демалады, деп хабарлайды QZ NEWS Tengri Life-қа сілтеме жасап.
Конституция күні – Қазақстандағы басты мемлекеттік мерекелердің бірі. Бұл күні 1995 жылы қабылданған, мемлекеттің құқықтық және саяси негіздерін айқындайтын басты заң аталып өтеді. Конституция күні жыл сайын 30 тамызда тойланады. Бес күндік жұмыс кестесімен жұмыс істейтіндер үшін Конституция күні қосымша демалыс сыйлайды – 2025 жылы 30 тамыз сенбіге түсіп тұрғандықтан, «Мерекелер туралы» заңға сәйкес, демалыс күні дүйсенбіге – 1 қыркүйекке ауыстырылады. Осылайша үш күндік демалыс болады.
2025 жылдың тамызында бес күндік жұмыс істейтіндер үшін барлығы 10 күн демалыс болады. Демалыс күндерінің кестесі келесідей:
30, 31 тамыз және 1 қыркүйек – демалыс күндері.
Алты күн жұмыс істейтіндер де 30 тамыз күні қосымша демалады. Олар үшін демалыс кестесі:
30 және 31 тамыз – демалыс күндері, 1 қыркүйек – жұмыс күні.
Осылайша, алты күндік жұмыс аптасында 6 күн демалыс болады.
Конституция күні елімізде түрлі салтанатты іс-шаралар, концерттер мен көрмелер өтеді. Бұл күн – Қазақстанның тарихы мен мәдениетіне арналған. Азаматтар түрлі акциялар мен флешмобтарға қатысып, ерекше күнді отбасымен, жақындарымен өткізіп, мәдени шараларға қатысуға мүмкіндік алады.
Конституция күнінен бөлек, тамыз айында Қазақстанда бірнеше маңызды даталар атап өтіледі:
- 3 тамыз (тамыздың бірінші жексенбісі) – Көлік қызметкерлері күні;
- 10 тамыз – Абай күні;
- 10 тамыз (тамыздың екінші жексенбісі) – Құрылысшылар күні;
- 18 тамыз – Шекарашылар күні;
- 18 тамыз – Спорт күні;
- 29 тамыз – Семей ядролық сынақ полигонының жабылған күні;
- 31 тамыз (тамыздың соңғы жексенбісі) – Кеншілер күні.