СҚО-дағы «Qyzyljar» СЭЗ-інде қандай ірі жобалар жүзеге асырылуда
2019 жылы құрылған «Qyzyljar» арнайы экономикалық аймағы (СЭЗ) жоғары даму қарқынын көрсетіп, аумағын кеңейтіп, ірі жобаларды тартуда. СҚО әкімдігінде өткен отырыста хабарланғандай, СЭЗ-ге тартылған жалпы инвестиция көлемі 317,1 млрд теңгеден асып, шамамен 4 000 жаңа жұмыс орнын құру жоспарлануда, деп хабарлайды QZ NEWS.
Ағымдағы субаймақтардың 236,8 га аумағының 98%-ы толғандықтан, Қазақстан Үкіметі СЭЗ аумағын 762 га дейін кеңейтіп, қалада бір және облыс аудандарында екі қосымша субаймақ құруға шешім қабылдады.
«Жобалар іске қосылып, сәтті жұмыс істеп жатыр: 22,4 млрд теңгеге 5 жоба жүзеге асырылуда, 1 032 жаңа жұмыс орны құрылады. Оларға мыналар жатады: Петропавл электротехникалық зауыты («Аллагеум Электрик» компаниясы) қуат трансформаторларын шығарады; CLAAS ауыл шаруашылығы техникасын жинайды; «Казтехмаш» машина жасау зауыты SAMPO комбайндарын шығарады және LiuGong 777A экскаватор-жүктегішін өндіруге дайындалуда; неміс бренді Reimann тартпалы ауыл шаруашылығы техникаларын шығарады; ал түрік компаниясы «Nord Panels» фанера және ДСП өндіру жобасын жүзеге асырып, отын пеллеттері мен прессованған поддондарды шығару арқылы өнім желісін кеңейтуде», – деп хабарлады СҚО кәсіпкерлік және индустриалды-инновациялық даму басқармасынан.
Қазіргі таңда 17 инвестициялық жоба іске асырылу сатысында, жалпы инвестиция көлемі 275 млрд теңге, 3 131 жаңа тұрақты жұмыс орны құрылмақ.
Мысалы, ТОО «БЕЙКЕРТОН» донаттар өндіру зауытының құрылысы қарқынды жүргізілуде. Жобаның инвестициясы 37,3 млрд теңге, шамамен 380 жаңа жұмыс орны құрылмақ, жоба қуаттылығы жылына 15 мың тонна өнім шығарады. Генералдық мердігер – ірі қазақстандық BI-Индастриал компаниясы.
««Уралкран» компаниялар тобы – ресейлік компания Петропавлда ТОО «KazCraneEngineering» кәсіпорнын ашып, көтеру-тасымалдау жабдықтарын шығару жобасын іске асыруда, 150 жұмыс орны құрылмақ. Өндірістік қуаттылық – жылына 100 бірлік, инвестиция көлемі 2 млрд теңге. Құрылыс-монтаж жұмыстары 2024 жылы басталды. Сонымен қатар, компания басшылығы қазірдің өзінде отандық ірі кен өндіруші компаниялармен кран жеткізу бойынша келісімдер жасап жатыр», – деді СҚО кәсіпкерлік және индустриалды-инновациялық даму басқармасынан.
ТОО «ECO GLADE» қазақстандық инвестор саңырауқұлақ, саңырауқұлақ өнімдері және субстрат өндіру жобасын жүзеге асыра бастады. Инвестиция көлемі – 11,5 млрд теңге, 65 жаңа жұмыс орны құрылмақ. Жобаның қуаттылығы жылына 6 400 тонна өнім шығара алады.
Қытайлық Шаньдун ауыл шаруашылығы техникасы компаниясы Tianhai LTD ТОО «QILU Agro» арқылы тракторлар, тартпалы және навесной ауыл шаруашылығы техникасы, суару жүйесі зауытын салу жобасын іске асыруда. Бірінші кезеңдегі инвестиция көлемі – 2 млрд теңге, өндірістік қуаттылығы жылына 1 000 бірлікке дейін, 50 жаңа тұрақты жұмыс орны құрылмақ. Зауытта тракторлардың кең ауқымды модельдік желісі шығарылады: аз қуатты – мотоблоктар, минитракторлар, самоходты шассилер; орта қуатты – әмбебап арнайы техника; жоғары қуатты – ауыр өнеркәсіптік және ауыл шаруашылығы техникасы.