Петропавлда №25 мектепте электр сымдарының ақауына байланысты 540 оқушы эвакуацияланды
November 20, 2025 15:12
Петропавл қаласындағы №25 жалпы білім беретін мектептің бірінші қабатында электр сымдарының қысқа тұйықталуы орын алды. Өрт шыққан жоқ, жағдай дер кезінде бақылауға алынды, деп хабарлайды QZ NEWS.
Жүйелі түрде өткізілетін оқу-жаттығулар мен қызметкерлердің үйлесімді әрекеттерінің арқасында ғимараттан 540 оқушы мен 90 қызметкер жедел эвакуацияланды. Оқиға салдарынан зардап шеккендер жоқ. Төтенше жағдайлар департаментінің мәліметінше, оқыс жағдайдың себебі – электр жабдықтарын монтаждау және пайдалану кезінде өрт қауіпсіздігі ережелерінің бұзылуы.