Петропавлдық аспаз Егор Овсянников танымал «Аспаздар шайқасына» шоуына қатысты

Петропавлдық аспаз Егор Овсянников танымал «Аспаздар шайқасы» кулинарлық шоуының қатысушысы болды. Бұл туралы ақпаратты Егордың жұбайы Ксения Овсянникова Instagram-парақшасында бөлісті, деп хабарлайды QZ NEWS.

Егор «Аспаздар шайқасы» тележобасының 5-маусымына қатысты. Іріктеу кезеңінде солтүстікқазақстандық аспаз Константин Ивлев пен Ренат Агзамовтың бағасына бешбармақ ұсынды. Дәм татқан соң екі бас аспаз да Егордың тағамына «ИӘ» деген баға берді. Қатысу үшін Егор Овсянников Константин Ивлевтің командасын таңдады.

Ивлевтің командасы құрамына Константин Ражев, Вероника Савенкова, Егор Овсянников, Максим Карнаушенко, Виталий Синюков және Назик Нуралиева кірді.

Агзамовтың командасына Екатерина Гордейчик, Лилит Карапетян, Сабина Дариева, Надежда Гавриш, Наталья Прутковская және Кирилл Лунгул енді. Іріктеу қорытындысы бойынша Евгений Цой мен Руслан Ризниченко жобадан шығып қалды.

Алғашқы тапсырмада қатысушыларға қырық минут ішінде италиялық «баклажаны пармиджано» дайындау міндеті қойылды. Ең сәтсіз шыққан тағамдар Екатерина, Лилит, Назик және Виталийдікі болып, олар алғашқы кезеңде-ақ жобадан шеттетілді.

Екінші кезеңде тәлімгерлер рөлдерімен ауысты. Агзамов командасының қатысушылары «кавардак» дайындауы керек болса, Ивлев командасы классикалық ағылшын десерті – «итондық бей-берекет» әзірледі. Бұл тапсырманы Сабина, Кирилл, Егор және Максим сәтсіз орындап, жобаға нүкте қойды.

Үшінші, финалдық кезеңде қалған қатысушыларға қырық минут ішінде бауырдан тәбет ашатын тағам дайындау керек болды. Көрмей дәм тату нәтижесінде ең жақсы тағам Вероника Савенкованың бәліштері деп танылды. Дәл сол Вероника жүлде қорының иегері атанды.