СКО-дан төрт каратеші Австралияда өтетін кекушинкай каратеден Әлем кубогына қатысады
21–24 қараша аралығында Австралияның Голд-Кост қаласында кекушинкай каратеден I.K.O.KU ұйымының 7-ші Әлем кубогы өтеді. Оған Солтүстік Қазақстан облысының спортшылары қатыспақ, деп хабарлайды QZ NEWS.
СКО «ВКОКК» РҚБ филиалының директоры Владимир Витченконың айтуынша, өңір намысын төрт каратеші қорғайды:
- Владимир Витченко (40–49 жас, 85 кг дейін)
- Аян Тортаев (18–39 жас, 65 кг дейін)
- Людмила Бутенко (50–59 жас, 65 кг дейін)
- Светлана Малихтарович (50–59 жас, 65 кг дейін)
Спортшылар маусым айынан басталған Алматы, Ақтау және СҚО-дағы оқу-жаттығу жиындарын қамтыған қарқынды дайындықтан өтті.
«Бұл – әлемдегі ең маңызды чемпионаттардың бірі, әрі біздің облыстан төрт спортшы ұлттық құрамамен бірге қатысып жатқаны қуантады. Турнир қиын болатыны анық, бірақ жеңіске жету үшін бар күшімізді саламыз», – деді Владимир Витченко.
Жарыстар кумите және ката бойынша өтеді. Әлем кубогындағы негізгі кумите жекпе-жектері 23 қараша күні өтеді.