«Страна товаров» сауда орталығы әкімшілігі заңсыз павильондарды өз еркімен алып тастады

«Страна товаров» сауда орталығының маңында орналасқан сауда павильондары сауда орталығы әкімшілігі тарапынан алынған, деп хабарлайды QZ NEWS.

«Страна товаров» сауда орталығы әкімшілігі билік талаптарын орындап, павильондарды мәжбүрлі түрде бұзу жағдайына жеткізбей өздері алып тастады.

Естеріңізге салайық, Петропавл әкімі өзіндік бастамамен Астана көшесі, 27 мекенжайында орналасқан «Страна товаров» сауда орталығына жақын жер учаскесінде павильондар орнатқан кәсіпкерлерді ескерткен болатын. Қала әкімі баспасөз қызметінің хабарлауынша, бастапқыда бұл учаске сауда орталығы қызметін қамтамасыз ету үшін 7 жыл мерзімге жалға берілген. Жалға алу мерзімі 2019 жылғы желтоқсанда аяқталып, жер мемлекеттік меншікке қайтарылған. Жалға алу мерзімі аяқталғаннан кейін жерге өз еркімен павильондар орнатылған, бұл заң бұзушылық болып саналады және 75 АЕК көлемінде айыппұл қарастырылған. Заңсыз пайдалану фактісі расталған. 2025 жылғы 14 қарашада кәсіпкерлерге ескертулер таратылып, павильондарды 2025 жылғы 17 қарашаға дейін алу ұсынылған болатын.