Тимирязев ауданында 57 жастағы ер адам өз үйінде аңшы мылтығымен өз-өзіне қол жұмсады
November 13, 2025 14:08
Солтүстік Қазақстан облысының полициясы Тимирязев ауданының Целинное ауылында 57 жастағы ер адамның өлімі бойынша қылмыстық іс тіркеді, деп хабарлайды QZ NEWS.
Оның денесі 13 қараша күні өз үйінен табылған. Алдын ала мәлімет бойынша, ер адам аңшы мылтығымен өз-өзіне қол жұмсаған.
«Қылмыстық іс тіркелді. Оқиғаның себептері мен мән-жайы анықталып жатыр», – деп мәлімдеді СҚО полиция департаменті.
Белгілі болғандай, марқұм өңірдегі бір жауапкершілігі шектеулі серіктестіктің директоры болған және онкологиялық дертке шалдыққан.