“Құлагер” хоккей клубының жастары өскемендік қарсыластарынан жеңіліп қалды

А. Винокуров спорт сарайының мұз айдынында “Құлагер М” және “Торпеда М” хоккей клубтары арасында матч өтті, деп хабарлайды QZ Мedia тілшісі.

Ойын қарқынды басталды, қос команда мүшелері алға шығу үшін бір-бірінің осал тұсын табуға тырысты. 7 минутта есепті өскемендік спортшылар ашты. Ал екінші минутта қонақтардың қақпасына “Құлагер М” ХК №7 ойыншысы Алексей Фрукалов шайба соқты.

“Командаға “жақсы” деген баға берем. Біздің жігіттер толығымен беріліп ойнап жатыр. Жарайсыңдар дегім келеді. Тек жақсы нәтиже күтеміз”, – деді “Құлагер М” ХК бас бапкері Максим Первухин.

“Бірінші кезеңде бізде де, қарсыластарымызда да көптеген ұтымды сәт болды. Қазір есепті теңестіруге, жеңіске жетуге тырысамыз”, – деп пікір білдірді “Құлагер М” ХК шабуылшысы Матвей Кузьмин.

Алайда, ойын “Торпедо М” ХК пайдасына 1:8 есебімен аяқталды. “Құлагер М” ХК келесі ойынды 12 ақпанда А. Винокуров спорт сарайында өткізеді. Теріскейліктер Павлодардан келетін “Мұнайшы М” ХК күш сынаспақ.