Қазақстандықтар наурыз айында жарты айға жуық демалады

Биылғы наурыз айы демалыс пен мереке күндеріне толы болады, деп хабарлайды QZ Мedia тілшісі.

eGov.kz. порталында хабарланғандай, Қазақстан тұрғындары былай демалады:

• бес күндік жұмыс аптасында – 2, 3, 8, 9, 10, 16, 17, 21-25, 30, 31 наурыз күндері;
• алты күндік жұмыс аптасында – 3, 8, 10, 17, 21-24, 31 наурыз күндері.

Стандартты демалыс күндерінен бөлек, наурыз айында дәстүр бойынша екі мереке атап өтіледі:

• Халықаралық әйелдер күні (8 наурыз);
• Наурыз мейрамы (21-23 наурыз).

Биылғы 8 наурыз жұмаға келеді. Осылайша, бес күндік жұмыс аптасындағы қазақстандықтар қатарынан үш күн – 8, 9 және 10 демала алады. Алты күн жұмыс істейтіндер тек 8 наурызда демалады. Сонымен қатар, заңды демалыс – 10 наурыз.

Наурыз мейрамы Қазақстанда 3 күн – 21-23 наурыз аралығында тойланады. Биылғы жылы мереке күндері бейсенбі, жұма және сенбіге сәйкес келеді. Бес күндік жұмыс аптасындағы отандастарымыз қатарынан 5 күн демалады – 21-25 наурыз аралығында. Ал алты күндік жұмыс аптасындағы адамдар үшін демалыс 21-24 наурыз аралығында болады. 25 (дүйсенбі) – жұмыс күні.

Жалпы алғанда, қазақстандықтардың наурыз айында 14 демалыс күні болады, оның 4-і – мерекелік.