Су тасқынынан зардап шеккендерден бағаның өсуі немесе тауар тапшылығы туралы дерек ұсыну сұралды

Сауда және интеграция министрлігі су тасқынынан зардап шеккен облыстарда азық-түлік тауарларымен, оның ішінде ӘМАТ-пен қамтамасыз ету жағдайына мониторинг жүргізеді, деп хабарлайды QZ Мedia тілшісі “NewTimes.kz” АА-ға сілтеме жасап.

Алдын ала деректер бойынша өңірлерде 80 сауда нысаны зардап шекті (Павлодар облысында – 1, Қостанай облысында – 22, Ақтөбе облысында – 9, Атырау облысында – 35, Батыс Қазақстан облысында 13 –нысан). Залал сомасы нақтыланады. Қалған өңірлерде жағдай тұрақты.

Министрлік ірі сауда желілері өкілдеріне бағалардың тұрақтылығын қамтамасыз ету және зардап шеккен өңірлерде азық-түлік тауарларын жеткізудегі үзілістер туралы уақтылы хабарлау қажеттігі туралы түсіндіру жұмыстарын жүргізді.

Бағаның өсу фактілері анықталған жағдайда қазақстандықтардан 8 (7172) 74-37-35 нөмірі бойынша, ал 8 (7172) 74-39-34 нөмірі бойынша тауарлар тапшылығы жағдайында жүгіну сұралады.

Естеріңізге сала кетейік, 28 наурызда Қостанай облысында және Ұлытауда ТЖ режимі жарияланды, 27 наурызда су тасқыны салдарынан Орал қаласында ТЖ режимі жарияланды. 2 сәуірде Батыс Қазақстан облысы бойынша ТЖ режимі жарияланды.

4 сәуірде Петропавлда табиғи сипаттағы ТЖ жарияланды. 6 сәуірде Қостанайда табиғи сипаттағы ТЖ режимі енгізілді.

Атырау облысында төтенше жағдай режимі 8 сәуірде жарияланды. Сол күні Ақтөбе және Ақтөбе облысының алты ауданында ТЖ режимі енгізілді.

Еріген су зираттарды да басқанын атап өткен жөн. Мұсылман зиратының бір бөлігі су астына кетті. Ол Самара — Шымкент тас жолының шетінде, Теректі ауданы Подстепное және Барбастау ауылдарының арасында орналасқан.