Жылыту маусымына аз уақыт қалды

Облыс әкімінің жетекшілігімен аппараттық кеңес өтіп, онда жылыту маусымына дайындық мәселесі талқыланды, деп хабарлайды QZ Media тілшісі.

Өңір басшысы Айдарбек Сапаров тұрғын үй-коммуналдық шаруашылығы басқармасына аудан және Петропавл қаласының әкімдерімен бірлесіп, 1 қыркүйекке дейін әлеуметтік нысандар мен бюджеттік ұйымдарды жылыту маусымына дайындауды тапсырды. Сондай-ақ 15 қыркүйекке дейін жылумен қамтамасыз ету көздері мен орталық қазандықтарды дайындау тапсырылды.