Құрбан айт мерекесіне байланысты қосымша демалыс күні болмайды

Ағымдағы айда қазақстандықтар жоспарланғаннан бір күнге аз демалады. Дүйсенбі, 17 маусым елде жұмыс күні болады, деп хабарлайды QZ Мedia тілшісі Tengrinews.kz. АА сілтеме жасап.

“Еңбекмині жыл сайын өндірістік күнтізбені қалыптастырады, онда Қазақстан Республикасында алдағы жылға арналған мереке және демалыс күндері белгіленеді. 2024 жылға арналған өндірістік күнтізбені қалыптастыру кезінде Қазақстан мұсылмандары Діни басқармасы 2023 жылғы 17 қазанда ресми хат жолдаған болатын, онда 2024 жылы Құрбан айттың бірінші күні 17 маусымға түсетіні, бірақ жаңа айдың көрінуіне байланысты ауысуы мүмкін екендігі хабарланған.

2024 жылғы 7 маусымда Қазақстан мұсылмандары Діни басқармасы 2024 жылы Құрбан айттың бірінші күні 16 маусымға келетінін хабарлады. Бұл жексенбі демалыс күнімен тұспа-тұс келгендіктен, 17 маусымда қосымша демалыс болмайды.

Естеріңізге сала кетейік, «Қазақстан Республикасындағы мерекелер туралы» заңға сәйкес демалыс күндеріне түсетін мереке күндері ғана ауыстырылуға жатады”,- делінген ҚР Еңбек және халықты әлеуметтік қорғау министрлігінің хабарламасында.