Солтүстікқазақстандық Нұрқожа Қайпанов еркін күрестен әлем чемпионатының финалына шықты

Солтүстікқазақстандық балуан Нұрқожа Қайпанов Албанияда олимпиадалық емес салмақ дәрежелері бойынша өтіп жатқан әлем чемпионатының финалына шықты, деп хабарлайды QZ News тілшісі.

Ол Тиранда бастау алған әлем чемпионатының жартылай финалында тәжікстандық қарсыласы Абдулмаджид Кудиевті 13:2 есебімен сенімді жеңді. Финалда Нұрқожа жапондық спортшымен кездеседі.

Нұрқожа Қайпанов басты жүлдеге таласатын тартысқа толы ақтық сайыс 31 қазан күні өтеді.

Еске салайық, жерлесіміз 2019 жылы Қазақстан астанасында өткен әлем чемпионатында күміс медаль жеңіп алды.