Дене шынықтыру пәнінің мұғалімі Алексей Адбуллин: «Мен бала кезімнен қандай мамандықты таңдайтынымды білдім»

33 жастағы солтүстікқазақстандық Алексей Абдуллин Ғабит Мүсірепов атындағы аудандағы №1 Новоишимск орта мектебінде дене шынықтыру пәнінің мұғалімі болып жұмыс істейді. Ол 4-8 сыныптарға  сабақ береді. Ол өзінің кәсіби жолын 2012 жылы балабақшада жұмыс істеуден бастады, деп хабарлайды QZ News тілшісі.

«Мен бала кезімнен қандай мамандықты таңдайтынымды білдім. Мен барған футбол секциясында әкем сабақ берді. Мен бұл ойынды өте жақсы көремін және оны көптеген жылдар бойы ойнадым. Қай жерде оқу керектігін таңдау керек болғанда, мен шешімді тез қабылдадым. Айтпақшы, сіңілім де дене шынықтыру пәнінің мұғалімі болып жұмыс істейді», – дейді Алексей Абдуллин.

Алексей орта арнаулы білімді Щучинск педагогикалық колледжде, ал жоғары білімді Көкшетау қаласындағы Ш.Уәлиханов атындағы мемлекеттік университетте алған.

«Мен балабақшада мамандықтың негіздерін игере бастағаныма қуаныштымын, көптеген жас мамандар көп сағат пен табысқа ие болу үшін бірден мектепте жұмыс істеуге ынталанады. Мен жұмысты 27 мың теңге еңбекақымен бастадым, бірақ көп практикалық білім мен тәжірибе жинадым. Кішкентай балалармен жұмыс өте қызықты», – дейді Ғабит Мүсірепов атындағы аудандағы №1 Новоишимск орта мектебінің дене шынықтыру пәнінің мұғалімі Алексей Абдуллин..

Аптасына үш рет Алексей қыздар командасына футболдан сабақ береді. Жазда олар сырттағы үлкен алаңда ойнайды, ал күн суытқан кезде олар жабық залға көшеді, онда олар мини-футболдан жақсы нәтижеге қол жеткізу үшін қажетті жаттығуларды орындайды.

«Командада 20 қыз бар. Аудандық жарыстарда жиі жүлделі орындар алып жүрміз. Бірнеше шәкіртім футболдан облыстық жарыстарға қатысты. Мектебімізде мықты жасөспірімдер өте көп. Олар футбол, баскетбол ойнап, жақсы нәтижелер көрсетіп келеді.Мен оларға дене шынықтырудың түрлі әдістерін үйретсем, басқа әріптестерім нәтижеге жету үшін оларға қосымша білім берді», – дейді Алексей.

Алексей Абдуллин әрбір оқушыға жағдай жасауға тырысады. Дене шынықтыру пәнінің мұғалімі өзі жұмыс істейтін мектепте белсенділіктері төмен оқушыларға арналған түрлі зияткерлік ойындары бар екенін атап өтті.

«Біз цифрлық технология ғасырында өмір сүріп жатырмыз. Интернетте сабақты жақсартуға көмектесетін көптеген ақпарат бар. Менің кәсіби мақсатым бар. Ол «Үздік дене шынықтыру мұғалімі» байқауымен байланысты. 2023 жылы аудандық, облыстық кезеңде «Үздік заманауи дене шынықтыру сабағы» номинациясы бойынша бірінші орын алдым.  Бірақ бас жүлдені жеңіп алып, республикаға жолдама ала алмадым. Нәтижемді жақсартып, жарыстың республикалық кезеңінде күшімді сынағым келеді», – дейді Ғабит Мүсірепов атындағы аудандағы №1 Новоишимск орта мектебінің дене шынықтыру пәнінің мұғалімі.

2018 жылы Алексей Абдуллин.«Zhas Project» республикалық әлеуметтік жобасының қатысушысы болып, 1 миллион теңге көлемінде грант ұтып алды. Бұл қаржатқа ол  жеке футбол мектебін ашты. Бірақ ол коронавирусқа байланысты бизнесін тоқтатқан. Десе де, гранттық қаражатқа сатып алған құрал-жабдықтарын мектеп оқушыларымен сабақта белсенді пайдаланады.