«Qulager» жастар командасы Қазақстан Республикасы чемпионатының жүлдесі үшін күресті жалғастыруда

Петропавлда шайбалы хоккейден балалар мен жасөспірімдер командалары арасында ҚР чемпионаты өтіп жатыр, деп хабарлайды QZ News тілшісі.

Соңғы екі аптада «Құлагер» жастар командасы облыс орталығында 9 ойын өткізді. Бүгін біздің спортшылар мұз айдынында «Мұнайшы» жастар хоккей клубының ойыншыларымен кездесті.

«Қыркүйек айында «Жас Лига» Қазақстан Жастар Лигасы өз маусымын бастаған болатын. Кезекті маусым ақпан айына дейін жалғасады. Мұнда 13 команда қатысуда, атап айтсақ: Өскемен, Алматы, Павлодар, Ташкент, Астана, Ақтөбе, Көкшетау және Теміртау. Спортшылардың жас ерекшеліктер 16 – 20 жас аралығындағы жастар. «Құлагер» жастар құрамасы 17 ойын өткізді. Біздің жігіттердің еншісінде 15 жеңіліс және екі жеңіс бар. Біз турнирлік кестеде 11-орындамыз. Қазір турнирдің ортасы, менің ойымша біздің спортшыларымызда бәрі алда», – деді «Құлагер» жастар құрамасының хатшысы Владислав Айдаков.

26-27 қарашада «Құлагер» жастар құрамасының хоккейшілері Астанада «Барыс» командасымен кездесу өткізеді.