Петропавлда ЖШС аумағында өрт шықты
December 21, 2024 18:40
ЖШС аумағында әкімшілік ғимаратқа іргелес орналасқан жылыту қазандығы орналасқан бөлмеден өрт шықты, деп хабарлайды QZ News тілшісі.
Солтүстік Қазақстан облысы Төтенше жағдайлар департаментінің мәліметінше, қызметкерлердің жедел әрекетінің арқасында 5 шаршы метр аумақтағы өрт тез арада сөндірілді.
«Жылу пешінің құбырының айналасындағы төбе өрттен зақымданған.Зардап шеккендер жоқ. Өрттің шығуына жылыту пешін орнату кезінде өрт қауіпсіздігі ережелерін сақтамау себеп болды», – делінген СҚО ТЖД хабарламасында.