Тимирязево ауылында монополист судың бағасын шарықтатып жіберген

Тимирязево ауылында сараптама жүргізу кезінде облыс прокурорлары суға қымбаттатқан тариф бойынша ақы алу фактісін анықтады, деп хабарлайды QZ Media тілшісі.

Табиғи монополия субъектісі 2021 жылдың қыркүйегінен 2022 жылдың тамызына дейін сумен жабдықтау қызметі үшін тұрғындардан 59 теңгенің орнына 88 теңге өндіріп отырған. Заңсыз әрекеттерден монополист 5,8 млн теңге пайда тапқан.

«Аудандық қадағалау органының актісімен облыстық табиғи монополияларды реттеу департаменті монополисті Қазақстан Республикасының «Әкімшілік құқық бұзушылық туралы» Кодексінің 164-бабы бойынша әкімшілік жауапкершілікке тартты. Халық үшін судың м3 үшін 59,79 теңгеге дейін, ал басқа тұтынушылар үшін 524,34 теңгеге дейін төмендете отырып, уақытша өтемдік тарифті енгізу түрінде жаза қолданылды, айыппұл салды. Монополист қаражатын өтеу 2023 жылдың 1 желтоқсанынан 2026 жылдың 30 қарашасына дейін төмендетілген тарифті қолдану арқылы жүзеге асырылады», – деп атап өтті облыс прокуратурасы.