Қазақстанда өмір сүру тағы да қымбаттады

Қазан айының қорытындысы бойынша ең төменгі күнкөріс деңгейі бір айда 1,2%-ға өсті. Енді негізгі қажеттіліктерді өтеу үшін қажет сома 62 740 теңгені құрайды, деп хабарлайды QZ NEWS NUR.KZ-ке сілтеме жасап.

2025 жылдың күзіне қарай Қазақстандағы өңірлік ең төменгі күнкөріс деңгейі (ЕКД) аздап төмендеген еді, алайда қазан айында ол қайта өсе бастады. Ұлттық статистика бюросының мәліметінше, қазіргі уақытта ЕКД адам басына шаққанда 62 740 теңге болып белгіленді. Бір айда көрсеткіш 1,2%-ға, ал жыл басынан бері 24,7%-ға артқан.

Сарапшылардың есебінше, бұл соманың 55%-ы, яғни шамамен 34 507 теңге, азық-түлік тауарларына жұмсалуы тиіс. Ал қалған 45%-ы, немесе 28 233 теңге, қажетті заттар мен ақылы қызметтерге кетеді.

Маңыздысы — бұл көрсеткіш жайлы өмір сүруге немесе түрлі тағам түрлерін тұтынуға емес, тек өмір сүру үшін қажетті минимумды қамтамасыз етуге арналған. Көрсетілген сома тек ең қарапайым азық-түлік жиынтығын граммен есептегенде ғана жеткілікті.

Әр өңірде күнкөріс деңгейі әртүрлі, себебі ол минималды тұтыну себетіне кіретін азық-түлік бағасына байланысты есептеледі.
Ең қымбат өмір Маңғыстау облысында – 74 956 теңге. Одан кейін Шығыс Қазақстан облысы (66 981 теңге) мен Астана (66 605 теңге) тұр. Алматыда – 66 438 теңге, ал Шымкентте – 62 318 теңге. Ең төмен күнкөріс деңгейі Қызылорда облысында тіркелген – 55 759 теңге.

Айта кету керек, ЕКД тек өңірге ғана емес, адамның жынысы мен жасына да байланысты есептеледі. Мәселен, еңбекке қабілетті ер адамдар үшін күнкөріс деңгейі 73 654 теңге, әйелдер үшін – 58 437 теңге.

Зейнеткерлер үшін бұл сома 55 350 теңге, 13 жасқа дейінгі балалар үшін – 54 881 теңге, 14–17 жастағы ұл балалар үшін – 78 190 теңге, ал қыздар үшін – 59 909 теңге.
Дегенмен, бұл шартты бөлініс қана – әр жас тобының өз ішкі санаттары бар және әрқайсысына жеке есеп жүргізіледі.