Бірден үш тағайындау: СҚО судьялары Астана, Қостанай және Шал ақын ауданында жаңа қызметке тағайындалды
Солтүстік Қазақстан облыстық сотында кадрлық өзгерістерге арналған пленарлық отырыс өтті. Ол Қазақстан Республикасы Президентінің 2025 жылғы 10 қарашадағы Жарлығына сәйкес өткізілді, деп хабарлайды QZ NEWS.
Шал ақын ауданының мамандандырылған ауданаралық сотының төрағасы болып Рүстем Қошқарұлы Омаров тағайындалды. Ол бұған дейін Петропавл қаласының №2 сотында судья қызметін атқарған.
Солтүстік Қазақстан облыстық сотының төрағасы Серікжан Ғабдулин Рүстем Омаровты жаңа қызметімен құттықтап, әділдік пен жауапкершілік жолында табыс тіледі. Сол Президент Жарлығымен СҚО судьяларының біразы өзге өңірлер мен соттарға тағайындалды:
Асламбек Киікбайұлы Қошенов, Петропавл қаласының әкімшілік құқық бұзушылықтар жөніндегі мамандандырылған сотының судьясы – Астана қаласының мамандандырылған ауданаралық экономикалық сотының судьясы қызметіне тағайындалды.
Ғалия Қайырқанқызы Ертаева, Ғабит Мүсірепов атындағы аудандық сотының судьясы – Қостанай облысы Қамысты аудандық сотының төрағасы қызметіне тағайындалды.