Көктайғаққа қарсы күрес: Петропавлда арнайы техника жұмыс істейді

Соңғы күндері қалада ауа-райының нашарлауы байқалады, термометр бағанасы нөлден төмен температураны көрсетіп тұр. Жергілікті билік петропавлдықтардан мұқият болуды сұрайды, әсіресе бұл жүргізушілер мен жаяу жүргіншілерге қатысты, деп хабарлайды QZ Media тілшісі.

“Қала өзгерістерге дайын. Жолды, тротуарларды, аялдама павильондарын көктайғаққа қарсы материалдармен өңдеу үшін 2200 текше метр құм-тұз қоспасы дайындалды. Таңертең кей жерлерде көктайғақ байқалады. Сондықтан біз белгілі бір аумақтарды көктайғаққа қарсы материалдармен өңдеуге кірістік”, – дейді қала әкімі.

Қысқы кезеңде жолдарды күтіп ұстау бойынша тиісті жұмыстарға барлығы 160-тан астам мамандандырылған техника жұмылдырылатын болады. Қажет болған жағдайда техниканың саны артады.