Солтүстік Қазақстан облысының дәрігерлері «Дәрігер мәртебесін» бекітуді ұсынады

«Аманат» партиясының өкілдері облыстық перинаталдық орталықта қоғамдық қабылдау өткізді. Медициналық мекемеде 330 адам жұмыс істейді, оның 60-ы – дәрігер. Кездесуде олар ең өзекті мәселелерді көтерді, деп хабарлайды QZ Media тілшісі.

Солардың бірі және ең өзектісі дәрігер мәртебесіне қатысты болды. Дәрігер – адамдардың тағдырын шешетін ерекше маман. Олар басым дауға қалады деп артық іс-әрекет жасаудан қорықпауы керек. Операцияның күрделілігіне қарамастан әрқашан тәуекелдер болады. Мұны түсіну керек.

Медициналық ортада мынандай жағдай қалыптасты: қазір хирург, акушер-гинеколог, анестезиолог сынды мамандар өз істерін тастап кетуде. Кейбіреулер тіпті елден кетіп, қай жерден үлкен табыс табуға болатынын іздеуде.

«Қайғылы жағдай орын алатын кездер болады. Мен өз қызметкерлерімді қорғағым келеді, мұнда кездейсоқ тап болған мамандар жоқ. Адамдар өз шеберлігінің арқасында осы жерде жүр. Жұмыс ауыр, жалақы төмен. Мүмкіндігінше, тым болмаса облысымызда дәрігерлердің мәртебесі көтерілсе деймін», – дейді облыстық перинаталдық орталықтың директоры Елена Калюжная.

Партия өкілдері бұл ұсынысты қарастыруға уәде берді.