Петропавлдық “Тұмар” ансамблі Стамбұлда гран-при иегері атанды

1-5 қараша аралығында Стамбулда хореографиялық өнер бойынша “ISTANBUL AUTUMN FESTIVAL” VIII халықаралық фестиваль-байқауы өтті. Фестивальге Әзірбайжан, Греция, Өзбекстан және басқа елдердің бишілері қатысты, деп хабарлайды QZ Media тілшісі.

Солтүстік Қазақстан облысының намысын 5 жыл бұрын құрылған “Тұмар” ансамблі қорғады. Онда 180-ге жуық бала айналысады. Байқау бағдарламасында бишілер 3 нөмір ұсынды. “Қазақ елі” халықтық-стильдендірілген биі және “Қызыл шамдар” заманауи биімен балалар Гран-при иеленді, ал “Шаттық” халықтық биі үшін бірінші дәрежелі лауреат атанды.

“Біз бір ай бойы дайындалдық. Өтінім берілді және хореографиялық залда күн сайын 3-4 сағат жұмыс істеді. Тіпті демалыс күндері тер төгілді. Біздің күш-жігеріміз бекер сарқылмағанына және біз Гран-при иегері болғанымызға өте қуаныштымыз”, – дейді би ұжымының жетекшісі Ақерке Мусалимова.

Өнер иелерінде демалуға уақыт жоқ. 2024 жылдың сәуірінде олар үлкен мерейтойлық концертке қатысады.