СҚО-ның жедел жәрдем қызметкерлері зейнеткерді жүрегі тоқтағаннан кейін құтқарды

72 жастағы ер адамды жедел жәрдем қызметкерлері құтқарды, деп хабарлайды QZ Media тілшісі.

Жедел жәрдем пультіне шұғыл қоңырау 14 қараша күні сағат 20:30-да түсті. Медицина қызметкерлерінің келуіне кеудедегі қатты ауырсыну себеп болды. Шақырту орнына құрамына Жұлдыз Қаскенов пен Бақтияр Айкенов енген фельдшерлер бригадасы 9 минуттан кейін келді.

Тексеру кезінде науқастан жүрек – қан тамырлары және тыныс алу жеткіліксіздігі салдарынан ауыр жағдай байқалды.

“ЭКГ” жедел миокард инфарктісінің белгілерін көрсетті.

“Көмек көрсету кезінде сағат 21: 08-де жүрек тоқтап қалды, бұл – клиникалық өлім фактісі. Дәрігерлер дереу реанимацияға кірісті. Жүрек-өкпе реанимациясының 7 циклінен кейін жүрек қайтадан іске қосылды. Арнайы жабдықпен науқас кардиоорталыққа жеткізілді. Бүгінгі таңда науқастың жағдайы тұрақты”,-деп хабарлайды облыстық жедел медициналық жәрдем орталығының баспасөз қызметі.