“Қыс-2023”: СҚО ТЖД мамандары тұрғындарды жалған өрттен құтқарды

Облыс орталығында “Қыс-2023” республикалық командалық-штабтық оқу-жаттығулары жалғасып жатыр. Бүгін СҚО ТЖД сценарийі бойынша қысқы кезеңдегі ТЖ кезінде құтқарушылардың іс-қимылдарын кезекті пысықтау өтті, деп хабарлайды QZ Media тілшісі.

38 градус нөлден төмен, қатты жел, боран. Жылумен жабдықтау жүйесіндегі ақауларға байланысты пәтерлердегі температуралық режим төмендеді. Нысан ішін жылыту үшін ақауы бар немесе қолдан жасалған электр құрылғыларын пайдаланған тұрғындар болды. Нәтижесінде пәтерлердің бірінде өрт болды. Бұл – жаттығу аясында құтқарушыларға арналған сценарий.

“Бізде 5-ші қабатта шартты өрт болды. Бір топ отты сөндіруге, ал екінші топ эвакуацияға кірді. Баспалдақ 5-ші қабаттан адамдарды сыртқа шығару үшін пайдаланылды. Сондай-ақ, зардап шеккендер құтқарылды.  Оқу-жаттығуға 3-ӨСБ, “Қызылжар Су”, “СевКазЭнерго” жеке құрамы жұмылдырылды, – деп атап өтті №3 өрт сөндіру бөлімінің қарауыл бастығы Самбет Омаров.

Соңғы кезең үйдің тіршілігін қамтамасыз ету жүйелерінің бұзылуымен байланысты болды. “Қызылжар су” ЖШС және жылу желілерінің авариялық бригадалары құбырларды  дәнекерлеу және жедел-жөндеу жұмыстарын жүргізіп, зақымдарды қалпына келтірді.