СҚО ТЖД қатты аязға байланысты жолдарда уақытша шектеулер енгізілетіні туралы ескертеді
January 14, 2026 18:00
14 қаңтар күні Солтүстік Қазақстан облысында ауа температурасының −30 °C-қа дейін күрт төмендеуіне байланысты республикалық маңызы бар автомобиль жолдарында қоғамдық және дизельді көліктер үшін уақытша шектеулер енгізіледі, деп хабарлайды QZ News тілшісі.
СҚО ТЖД мәліметінше, шектеулер 2026 жылғы 14 қаңтар сағат 20:00-ден бастап күшіне енеді. Қозғалысты қайта ашудың болжамды уақыты — 2026 жылғы 15 қаңтар сағат 10:00.
Мамандар жүргізушілерді тәуекелге бармауға және алыс сапарлардан бас тартуға шақырады. Жолда төтенше жағдай туындаған жағдайда 112 нөміріне дереу хабарласу қажет.