Былғары зауыты ықшам ауданында 80-нен астам үй бағалаудан өтті

Былғары зауыты ықшам ауданында мехбригадалардың жұмысы жалғасуда. Мұнда үш ауданнан келген – есілдік, жамбылдық және шалақындық 40 маман шоғырланған, деп хабарлайды QZ Мedia тілшісі.

Олардың басты міндеттері – үйлерден су сору, қоқыстарды шығару, тұрғын үй құрылыстарын қалпына келтіру. Қазіргі уақытта мына көшелерде 80-нен астам үй бағаланды: Жас Былғары зауыты, Вильямс, Былғары зауыты. Бүгінде су 5 қабатты үйлер орналасқан Былғары зауыты көшесінен алыстады..

“Былғары зауыты және Вильямс көшесінің тұрғындарына жүгінемін, онда 4 үй қалып отыр, біз иелерін таба алмай отырмыз. Тиісінше, техникалық тексеру болған жоқ және бағалаушы бармады. Қазір екі бағалаушы жұмыс істеуде. Су 66 тұрғын үйден кетті. 46 үй апатты деп танылды”, – деді Шал ақын ауданы жұмыспен қамту және әлеуметтік бағдарламалар бөлімінің басшысы Жарқын Мұхамеджанов.