«Digital Nauryz»: Петропавлда SKO hub алаңында мектептің инновациялық стартаптары таныстырылды

Петропавлда өңірлік IT-хаб SKO hub мектеп оқушыларының инновациялық идеялары мен көктемгі Наурыз мерекесін біріктірген алаңға айналды. Жас әзірлеушілер қалалық ортаны, білім беру үдерісін және әлеуметтік саланы жақсартуға бағытталған өз шешімдерін ұсынды. №5 орта мектептің оқушылары өз стартап-жобаларын сарапшылар алдында қорғады, деп хабарлайды QZ News тілшісі.

Балалар стартап әзірлейтін үйірме №5 мектеп базасында жұмыс істейді. Ол өткен жылдың қараша айында ашылған. Жаңашыл жобаларды жасауға оқушыларға ағылшын тілі мұғалімі әрі дарынды балалармен жұмыс жөніндегі директордың орынбасары Юлия Мельникова көмектеседі.

«Бүгін біз мектеп стартаптарының үшінші форумын өткізіп отырмыз. Барлығы 6 жобаны ұсынамыз. Оған 3, 7, 10 және 11-сынып оқушылары қатысады — әрқайсысы өз идеясын таныстырады. Бұл байқау емес, сондықтан оны форум форматында өткізуді жөн көрдік», — деді ол.

Қатысушылардың бірі — 11-сынып оқушысы Михаил Урсатий. Ол «Аэронорм» атты жобаны ұсынды. Идеяның мәні — ғимарат ішіндегі ауа сапасын бақылауға арналған датчиктер жасау. Олар ауа ылғалдылығы мен көмірқышқыл газының мөлшерін өлшейді.

Оқушы бұл құрылғыларды мектеп кабинеттеріне орнатуды жоспарлап отыр.

«Егер сыныптағы ауа сапасын бақыламаса, оқушылардың денсаулығы да, оқу үлгерімі де нашарлауы мүмкін. Жүйе былай жұмыс істейді. Құрылғы алқылы деректер жиналады жинайды. Олар су модуліне жіберіледі, ал жасанды интеллект ауаның санитарлық нормасын реттеу қажет пе, соны анықтайды. Егер қажет болса, су тазартылып, оның буы осы құрылғы арқылы сынып ішінде таратылады», — деп түсіндірді ол.