Петропавл оқушылары А. Абдрахманов атындағы №5 мамандандырылған өрт сөндіру бөлімінің жұмысымен танысты
May 21, 2026 18:06
Петропавл қаласының прокуратурасы №24 орта мектеп оқушылары үшін «Құтқарушының бір күні» атты патриоттық акция ұйымдастырды, деп хабарлайды QZ NEWS тілшісі.
Алдын алу бағытындағы кездесу А. Абдрахманов атындағы №5 мамандандырылған өрт сөндіру бөлімінің базасында өтті.
– Акция барысында оқушыларға өрт сөндіру қызметі қызметкерлерінің күнделікті жұмысы көрсетіліп, заманауи құтқару техникасы мен арнайы көліктердің жабдықтары таныстырылды. Теориялық бөлімге де ерекше көңіл бөлінді. Өскелең ұрпаққа өртті сөндіру кезіндегі шұғыл әрекеттер тәртібі мен төтенше жағдайларда өзін ұстау ережелері жан-жақты түсіндірілді, – деп атап өтті қала прокуратурасы.