“Саланг” әскери-патриоттық клубына 37 жыл толды

Облыс орталығында Петропавлдың Құрметті азаматы Александр Азеговқа құрмет көрсетілді. Іс-шараны Қазақстан Халық партиясы облыстық филиалының мүшелері ұйымдастырды, деп хабарлайды QZ Мedia тілшісі.

Александр Азегов 40 жылдан астам өмірін энергетика саласына арнады. Осынша уақыт “Саланг” әскери-патриоттық клубын басқарып келеді. Ер адам балалармен жұмыс істейді, олардың туған жерге деген сүйіспеншілік сезімін арттырады.

“Биыл біздің клубтың құрылғанына 37 жыл толып отыр. Клубта балаларды әскерге шақырар алдында дайындаймыз, балалардың патриоттық тәрбиесіне көп көңіл бөлеміз. Клуб алғаш ашылған кезде проблемалар болды, қазір мәселе жоқ, жұмыс жақсы жүріп жатыр”,-деді “Саланг” әскери-патриоттық клубының жетекшісі Александр Азегов.

Атақты іздеуші ҚР Президенті және еліміздің Қорғаныс Министрлігі атынан марапаттарға ие болды. Мамыр айының басында Александр Азеговтың командасы кезекті экспедициядан оралды.

Ол Новгород облысында өтті. Ұлы Отан соғысы кезінде Мясной Бор ауылының жанында ауыр шайқастар болған, көп адам ажал құшты, біразы сол жерде қалды. Іздеу миссиясының міндеті – қаза тапқандарды табу, содан кейін оларды әскери құрметпен жерлеу. Биыл 153 жауынгердің денесі табылып, жер қойнына тапсырылды.