Шілде айында қазақстандықтар қосымша бір күн демалады

2024 жылдың шілдесінде қазақстандықтар Астана күнін мерекелеуге байланысты қосымша бір күн демалады. Шілде айында жалпы 9 демалыс күні болады, деп хабарлайды QZ Мedia тілшісі.

Астана күні жыл сайын 6 шілдеде атап өтіледі. Мереке мемлекеттік болып табылады және биыл сенбіге сәйкес келеді, бұл демалыс күнін дүйсенбіге, яғни 8 шілдеге ауыстыруға мүмкіндік береді. Негізгі айтарымыз, көптеген отандасымыз үшін бес күндік жұмыс аптасында қатарынан үш демалыс күні күтіледі: 6, 7 және 8 шілде.

1994 жылғы 6 шілдеде ҚР Жоғарғы Кеңесі Қазақстан Президентінің Республика астанасын Алматыдан Ақмола қаласына (қазіргі Астанаға) көшіру туралы ұсынысын қабылдауға қаулы етті. Бұл ретте Ақмола ресми түрде 1997 жылғы 10 желтоқсаннан бастап Қазақстан Республикасының астанасы болып жарияланды. “ҚР-дағы мерекелер туралы” Заңға сәйкес, Елорда күні – 6 шілде. Мемлекеттік мереке саналады.