СҚО әкімі тұрғындардың өтінішінен кейін «Дария» базарының санитарлық жай-күйін тексерді
July 15, 2025 08:00
Солтүстік Қазақстан облысының әкімі Ғауез Нұрмұхамбетов Петропавл қаласындағы «Дария» базарына барып, оның санитарлық жай-күйін жеке өзі тексерді. Бұл сапар өңір басшысының азаматтарды жеке қабылдауы кезінде түскен тұрғындардың көптеген өтініштеріне байланысты ұйымдастырылды, деп хабарлайды QZ NEWS.
Облыс әкімі атап өткендей, базар иелері сатып алушылар үшін жайлы жағдай жасауы, санитарлық талаптарды қатаң сақтауы және базар маңын абаттандыру мәселесіне тиісті көңіл бөлуі аса маңызды.