Петропавлда 200-ге жуық техника қар шығарып жатыр

15-тен 20 мың текше метрге дейін. Мұндай көлемдегі қар күн сайын облыс орталығының жеке секторынан шығарылады. Жалпы, қыс мезгілінің басынан бастап Петропавлдан арнайы полигондарға 930 мың текше метрден астам қар жеткізілген, деп хабарлайды QZ Мedia тілшісі.

“Біз қарды тегін шығарамыз, тұрғындар қарды жол бойына жинайды, содан кейін коммуналдық қызметтер барлық қарды алып кетеді. Бізде төрт қар полигоны бар, тұрғындар мен бизнес қарды өздігінше бөгеттегі полигонға жеткізе алады. Ол үшін әкімдікке хабарласып, машиналардың нөмірлерін ұсынып, талон алу қажет. Осыдан кейін полигонға әкетуге болады”,- деді Петропавл қаласы әкімінің баспасөз хатшысы Әсем Айтулова.

Қалада қар шығару жұмысына 200-ге жуық техника жұмылдырылды. Күндізгі және түнгі уақытта өткізілетін мұндай жұмысқа 300-ден астам адам тартылды. Суағарларды тазарту – жеке сектор тұрғындарына көктемді жайлы қарсы алуға мүмкіндік беретін тағы бір маңызды міндет.

“Қалада барлығы 228 км нөсер желісі бар, оның 109–ы – ашық желі. Қазір жұмыстар 75% орындалды. 70 шақырым тазартылды, жұмыстар алдағы уақытта да жалғасады”, – деді Әсем Айтулова.

Суағарларды тазартуға 40-қа жуық адам жұмылдырылған. Мұндай жұмысқа 20-дан астам техника тартылды.